WIZARA YA MALIASILI NA UTALII YAIBUKA KIDEDEA KWENYE MAONESHO YA NANE NANE MJINI DODOMA

Wizara ya Maliasili na Utalii imeibuka mshindi wa kwanza kati ya Wizara za Serikali zilizoshiriki katika Maonesho ya Nane Nane yaliyofanyika Kanda ya Kati kwenye viwanja vya Nzuguni mjini Dodoma.

Mbali na kuwa mshindi wa kwanza kati ya Wizara zote za Serikali , Wizara ya Maliasili na Utalii imeibuka kuwa mshindi wa Tatu wa jumla ya Wizara, Taasisi na Mashirika yote yaliyoshiriki kwenye maonesho hayo.

Wizara ya Maliasili na Utalii ilikabidhiwa vikombe viwili na hati tatu za ushindi kwenye kilele cha Maadhimisho ya Nane Nane na Mgeni Rasmi, Waziri wa Waziri wa Nchi Ofisi ya Rais ,Mhe. Stepheni Wassira

Aidha,. Imetunukiwa hati ya kuwa kati ya Wizara iliyoshiriki kikamilifu kwenye maonesho hayo tangu siku yalipozinduliwa na hadi siku ya kilele cha maadhimisho.

Licha ya ushindi huo , Wizara ya Maliasili na Utalii ndio Wizara pekee iliyoongoza kwa kutembelewa na wananchi wengi zaidi takribani elfu sitini kwa siku tangu maonesho yalipoanza hadi siku ya kilele chake ukilinganisha na Wizara na Taasisi zingine.

Mbali na Tuzo hizo , Wizara inajivunia kwa kuwawezesha wadau wake watatu wanaojishughulisha na ufugaji nyuki walio chini ya Wakala wa Huduma za Misitu Tanzania (TFS) kwa kuibuka washindi kwa kujipatia hundi za pesa na hati za ushiriki kwenye maonesho hayo.

Akizungumza kwenye Maadhimisho ya kilele cha Maonesho hayo Mgeni Rasmi, Waziri wa Nchi Ofisi ya Rai, Mhe. Stephen Wassira aliipongeza Wizara kwa kujituma na kujitolea kwa hali na mali kuhamasisha na kuelimisha Wananchi wa Kanda ya kati katika masuala ya Uhifadhi na ufugaji Nyuki wa Kisasa.

Alisema Wizara ya Maliasili na Utalii ni wadau muhimu sana na ni rafiki Kilimo hivyo ushirikiano huo ni lazima uwe endelevu ili kutokomeza vita dhidi ya Ujangili kwa sabau Jangili yeyote anayeingia kwenye hifadhi ni lazima apitie kwenye mashamba ya wakulima ndio aingie kwenye Hifadhi hivyo ushirikaiano huu utafanya vitendo vya ujangili kuisha kwa kuwa Wakulima watakuwa wakitoa taarifa juu ya ujangili huo

Mhe. Wassira, alisisitiza kuwa maonesho haya ni lazima yaoneshe tija kwa Wakulima kwa kuwainua kiuchumi tofauti na ilivyozeoleka miongoni mwa watu kuwa Wakulima na wafugaji ni watu maskini na hawakopesheki’’

‘’Wakulima na Wafugaji ni mtu muhimu sana katika nchi hii hivyo ni lazima watengenezewe mazingira rafiki ili waweze kufikia ndoto zao kwa kutumia teknolojia za kisasa’’ Mhe. Wassira alisisitiza.

Alisema kuwa Serikali imedhamiria kuboresha maisha ya Wakulima na wafugaji tayari imeshaanzisha Benki ya Wakulima na Wafugaji ili kuwawezesha kupata mikopo ili waweze kuendesha shughuli zao kwa njia ya Kisasa.

Mhe. Wassira alisema serikali inafanya kila liwezekanalo kuendelea kupima maeneo mbalimbali hapa nchini kwa nia ya kuzuia mifakarano amabyo imekuwa ikiibuka kila uchao na kusababisha vifo vya wananchi wasio na hatia.

Naye Mkuu wa Mkoa wa Dodoma, Dk. Rehema Nchimbi alitoa wito kwa Wananchi kuchangamkia fursa mbalimbali zinazopatikana katika Kanda kati hasa suala la kilimo na kuachana na dhana iliyojengeka kuwa nyanda hizo ni ombaomba, tegemezi na kame.

Kwa kumalizia Mhe Wassira aliwasihi Wananchi hasa Wakulima na Wafugaji kuendelea kushirikiana serikali katika kutimiza ndoto zao kwa kutumia njia za kisasa licha ya kuwa pembejeo zimekuwa ghali na kusuasua kwa soko la mazao yao hivyo serikali inafanya kazi usiku na mchana kuhakikisha changamaoto hizo zinakwisha.